اعله جرّف الماي لوحيّ أمن انگطٍع زتوهّ..،
..،خاف العطش يلحگني اعله تمثالي
روج الماي صحٌر من زمان الخوف..
.بير أمن القهّر ظل يغرف الحالي
تعذّرني الضمير ومارضه الشينات..،
..،والريح الاجتني هدمّت الچالي
ابنهايات المطاف ابنادم ابلاحال..!
..سكته إبلا نفّس منّ ينّركٍن تالي
اذا عندك بخّت انصفني لو مريّت..،
..،لتّهيل الثرى فوگ الثرى العالي
تراني المنتكسّ منّ اول الخطوات
وادموع العليّه اتغسٌل الوًجنات
..واحروفي الردتها اليوم چتالي !
أخذني ابجود زودٌك وامشي بيٌه اشراع
لتحطني ابرمل واتزيحني اعله الگاع
..هيّه إليّ اخذلتني وأنه هنيالي
دختٍ واشطوطي راحّن خردهّ بيد اطفال
كتيّت الدمعّ لا مّن حچه ولاگال..!
..والاخّر نفسّ تلّحگني عذّالي
دخلهاً اشما تريد اتگول خلّ اتگول
منٍ اولّ فصلّ حسيّت ماكو افصول !
..،ضاع الفرحّ من عيني ابسما الّدخان !
واهمومي تدور ابرغبّة الناعور
هيٌه الروح جزعّت من حزٍ ن عاشور !
....،ماينّراد تقره اهمومي تقراني
الّوصيه اتوصي بيك وخايف اتوصيّك
لا أوّل صرٍت لامٍن صرٍت تالي !