خايف اگولن حزب

 والناس تفهم غلط وتحطك وياهم

الناس حقهم ترة احزاب ما تنحسب

الصبح اسس حزب باليل باكاهم

خايف اكولن حزب بس لا ابد ما خاف

فريت بيك الوطن

 وسئلت يامة سئلت

كالولي هذا الحزب ما يلم بس اشراف

رايد تشوف الوطن

بس تفك باب المقر كل الوطن ينشاف

يالبراد على الگلب يالبمحبة تفور

ادريك تطحن صبر مثل الرحي ادور

دست على جرحك شهم

ما بينت مكسور

من شفت صار الوطن

خشبة بحلگ تنور

تحولت گرصة خبز

ما نمت بالزاغور

ومن طشت التفرقة

وكلمن ظهر معدنة

وتكشف المستور

والدنية صارت محك

والرگبة عالساطور

طيرة سلام وطرت

وبعالي صوتك صحت

حزب اليلم الوطن شيسوي بالشاجور

دورت بيك شكثر ماشفت مثلك حزب

راحتك عشگ الشعب  طماع لمن تحب

باقي عله طيبة گبل غير انته ماي وشلب

اي يبو عمر الحلو كل عام ونت ولد

شما طال بيك العمر باقي عله طولك وتد

تاريخ هذا الشعب بموقف نظالك خلد

خايف اكولن حزب والناس نفهم غلط

 وتحسبك وياهم

جا هو وين الغلط

يال انت كلش حلو

والناس تعرف منو

اصغر مرشح حزب صدكني يسواهم