قصة حبي هي قصة جيل كامل بدأت قبل أكثر من خمسين عاماً، وما زالت زاهرة خضراء حتى هذه الساعة..
طحت آنه ابهواك وماني ندمان
من يندم على اليعشگ مثالك ...
أحب غيرك عليش وليش يفلان .. منهو اليوصل لقمة جمالك؟
إذا فيّك يعادل مية بستان
يا نخلة التسد الفي بدالك
وإذا چفك نبع والكون عطشان .. وزلال الماي يشرب من زلالك...
واذا ورد البنفسج بيك هيمان .. الملح معذور لو هام بجمالك
يبو عود الترف من گاعه ريان ... عسل بالگاع لو جوري يشتالك؟
يعصرية حديقه وفجر نهران .. اشگد أحمر ورد فتح بجالك
أيا لوحة عشگ بإهداء فنان .. إذا شلناك شنخلي إبدالك؟
مثل لحظة شعر وبليل نعسان
قصيده وليل واتخيل جمالك
أيا كاس الصبر والكاس مليان
فلا يوم الصبر مل واشتكالك
مضن خمسين وگليبي إلى الآن
يفز فزة طفل لو مر خيالك
ضكت روعة دلالك باول صباي...
ولهذا اليوم أنا أشتاگ لدلالك
مثل بردة عروس اگبال سكران
خلصت العمر أنطر ظلالك حيل
لا بردة الشفت .. لا ليل سكران
ولا حتى بحلم يعثر خيالك
ناعم، ياترف، يا شطب ريحان.. عشگناك بعد الك وبميالك
واليحبك صدگ میدور أثمان
ولا يطمع بجاهك
لو حلالك ..
أنا السويت عمري وياك رمضان
وليلية أنتظر جية إهلالك
أنام ويه الهجر .. وبگلبي نيران
وأرگص للصبح لو طيفي نالك
واذا يوم اسألتني شلونك فلان..
أظل للموت أتباهي بسؤالك
أنه العندي يقين الناس بهتان
وأقوى من المؤكد احتمالك
وأنه بحلوّك أگلهم إنت بستان
وإذا حنظل.. أگلهم مو خصالك !!....
أدور لك عذر وين العذر چان...
وإذا مامش عذر گلبي اشترالك...
وأنه أعيوني اشتهتلك أحلى الألوان...
وكلشي اليشتهيه كلبي اشتهالك
هويتك من زغر مو بيدي يفلان..
وربطت من الزغر حالي ويه حالك
عشت نجمه يتيمه أبشوگي دفيان
ومتت من البرد من شح وصالك
مثل بچي الشواطي ابموت نهران
ألف مرة الكلب ون
و بچالك
أنا الذبني الزمان بحلگ عدوان
وأنياب الشماته تلوچني أگبالك...
بقيت ارضع هواك ابديس الاحزان
وعلى ادروب الصبر أنطر وصالك
واذا فجأة ويجيني بليلة مكتوب.. ومع المكتوب إجت منك وصيه.
تگلي ارجع حبيبي واعشك النوب.. وإنسه أشما شفت ضيم وأذيه
الحياة تصير صحره بغير محبوب .. ومن غير العشگ تذوي القضيه.
نعم راجع .. أجيك .. وأعشگ النوب
وهديتك هاي عندي أحلى هديه...
أجيك من الفجر موش ويه الغروب.. وأدگ بابك گبل جية المسيه
واذا إجدامي يتعبن من الدروب
من أمريكا أجيك أمشي اعله أديه..!