انته الخوش
يالدربك ورد مفروش
يالعطرك يطش فوك الجميع
بخير
عطر ماظن مثل مثله
عطر مرشوش
يالثابت مثل نجم القطب بالكون
بقيت انته واجت وجزت كثره اعروش
ياسنبل ذهب تلمع بعين الناس
ثگيل امحمل ومابيك سنبل بوش
يالبفكرك ضمير انسان حي مامات
وعلى اجبينك وفاءك للحزب منقوش
تتنكه الاصيل اتحطه عد يمناك
وين اللي سمعته للنجوم اتنوش
هاك من المحبه أخذ مني اهواي
مايحتاج اودي انه المحبتي اطروش
يالمادنگت عمرك الهاذه وذاك
وما تجني بصحبتك ردي لو مغشوش
دافي وخطوتك تحسبها ألف احساب
وما تلهث مثل لهفة دني ومعطوش
مو قصدي المدح للمدح ما تحتاج
هو الخوش أبد مارافگ الموخوش
نظيف وتبقه أنظف من زلال الماي
ماخنت الامانه ولا ترست اكروش
همك منجلك ومعاشر الفلاح
وبسوح المعامل صوتك وكل حوش
مسالم ما مضى من الواحد وتسعين
ولا طيرة حمامك غثت الها اعشوش
ـــــــــــــــــــــــــــــــــ
القيت في حفل ذكرى تأسيس الحزب الشيوعي العراقي
في الناصرية 2025