اورود الحدايق تحتفل
إبعيدك اليوم التسعين
وأيامك إمواسم فرح
شدة ورد للحلوين
وآذارك اليزهي شذر
مو – عيد صاير عيدين.
------------------
اهزوجة
ها ..... ها
وبفكرك كلنه اتربينه
-----------------
تسعين عمرك من تمر – هيبه لفهدنه وحزبه
وعيدك يبو طول الحلو – بالحب مشينه إبدربه
غنينه إلك يا بو العشگ – بكل السنين الصعبه
عيدك سعيد إبكل سنه – وأيامك أعياد وهنه
اورود الحدايق تحتفل- بعيدك اليوم التسعين
-------------------
يا مدرسة هذه الشعب – انته الذخر للأيام
يابو الثقافة والادب – ما تگدر اتوصفه ارقام
تسعين شمعه اعلگنه الك – يا ورد جوري وشمام
اورود الحدايق تحتفل
ابعيدك اليوم التسعين
ما همك سنين وقهر – وما همك القيل وقال
كل خطوة منك عيد إلك – وانته الذخر للأجيال
عيدك مناجل للفلح – وچاكوچ بيد العمال
اورود الحدايق تحتفل
ابعيدك اليوم التسعين
-----------
اهزوجة
والرايه إبچفك مهيوبه
--------------
ميلاد انته يا حلو – ميلاد حب وأعياد
كل الشعب غنه إلك – اجمل أغاني الميلاد
اجمل تهاني بس إلك – وغنت شوارع بغداد
مامون دربك يا حزب
يل حبك بوسط الگلب
اورود الحدايق تحتفل
ابعيدك اليوم التسعين
---------------
اهزوجة
يا حاضرنه ويا ماضينه