شكد نمت
وردة ، وثلاث اغصان
واهلالين ليلك
لعب مهره
توه شب بيها العمر
تتغاوه
والحجلين مقفولات
والقفلين
منها وللهوى من الغنج تفتك
عيني .. ياعيني
لعب بيه الهوى
من العبت بالروح ،
والفختاية كبرت
زافتا لجية الفحل
ع السعفة سالت
بالشته .. حمل عثكها
ورطب صارت
دهر يالعصفور خايب دهرك
نكرت نص العثك
واللذات
سمعوها – سبع جيران – شاغت
امنين ما اجيسك نعاس ، وورد ،
امغاوه وحرير شلون بيه
اشلون كلي .. وين اودي اثنين اديه ؟
انت غيمه ،
ومن ترافتها ، ونداوتها ،
اصير امطر علي
بجاه ..
كلمن اله جاه اصعد بعد ،
اصحى بعد
واصحى بعد
وامطر علي