لأذار الحب...!!
لاذار الربيع...!!
لأذار الوطن و الناس...!!
********
عيدك ثم عيدك ثم عيدك أجمل الأعياد...!!
عيدك صَفن الدنيه...او سِحر بغداد...!!
كل شارع وبيت إيقدم الأوراد...!!
ها....ها....ها....
السمره...وشگره إتعيد هاذه اليوم...!!
********
إحتفل شعبك بعيدك بالمدن...والريف...!!
إوشرفنه احتفالك وّنته أبو التشريف...!!
ياخبزه عوافي...وللفقير إرغيف...!!
ها....ها....ها....
انته الخبزه...وانته الماي...وكونك سالم...!!
********
الحزب...جامع صفات الناس...ويّسمونه موسوعه...!!
الحزب...تاريخه...بذرة خير...مو من شِجره مگطوعه...!!
الحزب...من أول المشوار...تِظل راياته مرفوعه...!!
ها....ها....ها....
الشاهد عدنه الشاهد...!!
اسمه امسجل بالتاريخ...!!
********
إعبر ياحزب إعبر...وهنياله العِبر وياك بسنينك...!!
ابقطار الموت يابو اسعود...غنينه ابفراگينك...!!
العراق انته وِّ دجلته...وطينه من طينك...!!
ها....ها....ها....
ما نتنازل عنك...!!
لا...هل اليوم ولا بعدين...!!
********
ذهب يبقه الحزب...والذهب ما... مغشوش...!!
او شجر مامون...وطيوره...تِلم إعشوش...!!
مو مثل التبوگ الشعب...بسِ همهه تِسمن اكروش...!!
ها....ها....ها....
إنته الفكر الناصع...عايش بالوجدان...!!
********
فكر الحزب...ندري أحنه...غِذاء الروح...!!
ومملوحين...صرنه بالحچي...مثل الحزب مملوح...!!
الحزب...أبوابه ماتنسد...وشباچ الحزب مفتوح...!!
ها....ها....ها....
إنرحب أحنه...إنرحب أهلن...بالأحباب...!!
*********
الحزب سَجَل مواقف...للوطن...من دَم...!!
إوِّ تشهدله...المشانق...والشوراع...من زلم قَدم...!!
وفهد...على المشنَقه...بسم الحزب أقسَم...!!
ها....ها....ها....
ما أتنازل عنك...!!
يا بو المنجل...والچاكوچ...!!
********
وتحيات... آذارية لكل الناس...!!