سبعه وثمانين عام

وانته تنشد للمحبه

 وللسلام.

ياحزب فهد

وسلام.

سبعه وثمانين نجمه

تضوي فوگ بيوتنه

غصبن عله الرادوهه تغرگ

بالظلام..

سبعه وثمانين شده من الورد

لكل شهيده.

لكل شهيد .

الچانوا الظهرك

حزام…

سبعه وثمانين

عام.

وانته حلمك اسمى من كل

الأحلام.

إنته حلمك.

حلم فقره الناس

بالعيشه السعيده.

حلم بالدنيه الجديده.

حلم بالحب ..

والوئام.

سبعه وثمانين عام

وانته جذرك.

 وي جذور النخل ثابت

وي جذور الگاع ثابت.

أبد ماهزتك ريح

ولاظلم ذيچ السنين

 وجورهه وجور

الأيام..

سبعه وثمانين عام

على الحلوه…

وعلى المره..

عيونه كلهه تحرسك

ماتنام..

ياحزب فهد وسلام.

26 آذار 2021