ضحكة طفل

ميلاد الحزب

تسبيحة ولي

او فرحة لعب

ترنيمة هوه

شوگ او غوه

املاگه الحبيب اويه المحب

الطيبه الحبهم شعار

آذار كل الهله ابأذار

آذار اجمل شهر اهناه يالنشدت اعليه

بالناصريه ابفخر حزبي انولد بيه

تتباهه ابشوكه السنابل

غنوه ترفه او زند عامل

عالميمر او عالميمر او عالميمر

التاريخ بسمك على الايام كبر

اسمك نده ابحضن الورد

ايروح الفرح بيه او يرد

سيد المبادئ مو عبد

اگلادة اسمك عالمشانق گمر

صار شعله ابچف مناضل

بدله زرگه او اغنيه

او همة مناجل

انكتب اجمل أبوذيه

حلو فله

حزبنه امن الشهاده اتخذ قبله

او على خد الزمان انرسم فبله

تباهه الموت بيه او چان قبله

ذليل ايلوذ بكتار المنيه

فز ابفهد اجمل هديه

للوطن...للناس .. للدنيه

والحزب أصبح قضيه

عاشگ الناس ابمحنه

عشگ محبوب او حبيبه

اجلبنك يليلي والفرح تجليبه

هله ابميلاد حزبي

منبع الطيبه

اجلبنك يليلي والفرح بالروح

تغريدة بلابل مو حمامة دوح

حروف اسمه مراهم

بيهه تشفه اجروح

يميزان الذهب معروف ترتيبه

بسمك وفه .. غنه الشعب

طبعك مثل طبع النخل

أشما ينرمي .. ينطيه رطب

الزمن بسمك غنه

(صفن بالبيض الشهود )

دگن چوبيه اويه المغنه

تخفگ راية شو گك حمره

من زاخو لحدود البصره

او من نگرة سلمان البدره

چاكوچ ايعانگ منجلنه

واچفوف احنه

انطرز عيدك طاسة حنه

يالبيك التسامح طبع

تنثر البسمه فرح

أشما زاد ظيم الوكت

أشما ثگل وجه الربع

يالعالگ اسنينك شمع

لأجل الشعب عمرك نذر

انطيته ابفخر وابزود

( ثيله اشتحشهه اتزود

تتعب يحاصود

خالد فهد ما مات

وامخلف الفهود)

ملح الگاع

اسمك للمعالي اشراع

يخنياب الوكت ...

لو داهمه الصيهود

يا عود الوفه....!

الما ينشره او ينباع

اسنيني الميلادك شمع

معلوگ بگلوب الربع

يا عشگ الملح للطين

تتواگد اسنينك فرح

بالسبعه واثمانين

عرض مقالات: