فززتي بيه العشك والشمس نعسانه

ما بيه أعبر بحر عوفيني يفلانه

يادوب جرحي اندمل

والگلب شاب اوذبل

روحي اللي تكتب شعر صدگيني موش آنه

بعيوني صك الدمع أسهر وعد انجوم

تاخذني حسبه اوترد تخنگني بس باللوم

إبعد عليك الرضا

عمري تعدى اوگضى

 وچلاچي غرگانه

بسك تراني اعترف ماتنحمل روحي

كلما أشوفك تمر تتسودن اجروحي

 شيبت .. بس الگلب

 يجفل إذا نسمه تهب ونته الهوا اوريحانه !

وياك اعودن طفل جنجل يرن ودراغه

موش انته عالم فرح وانته الحسن من صاغه

وياك باجي العمر

كون ابتعد عن البشر

يابو اخدود ريانه !

فرفحت روحي اوهام بيك الگلب يفلان

مثل السفينه اوتهت وانته البحر والسفان !

يلبسمتك طرّة فجر

ويطگ ورد كلما تمر

محلاك ياغصن البان

من يوم اللي شفتك تهت خردلت كل اعضاي

مشتاگ الك طول الوكت صرت العطش والماي

ياوسفه تالي العمر

ظلمه اولگيت الگمر

صرت الدوا والداي

عرض مقالات: