أنا مش لاقي ليه نفسي
ولا لاقي كلام يتقال
زمان الكذب زلزلنا
بميت زلزال
عشان ننسى ملامحنا
ونتحايل علي ......
الضلمة تسامحنا
ونتحايل علي الدجال
يعلمنا أصول الدجل
وبدون حياء أو خجل
نكتب أغاني وزجل
ونمدح الأغلال
ونتصالح مع الجرذان
ونقتل أي ضى يبان
ونكون بدون عنوان
ونبعت كذا مرسال
ونستنى قلوبنا تثور
وإمبارح بكل فجور
طفى علينا النور
وحكم الأندال
سجل فصول أوجاعنا
خلى المأسى تساعنا
وتوج إللي خدعنا
وعمل له ميت تمثال
وفي كل لحظة للوطن
بتعدى ما تعديش
أحلام كتير بتموت
وكان قلبي بيتمنى
تتنفس هنا وتعيش
ننقذها من الأشباح
ننقذها من الخفافيش
وفي كل لحظة للوطن
بتفوت ياناس وتمر
جوه القلوب ينتهى
إحساس أصيل حر
أتصدا للدجال
وهد ميت تمثال