مات  الشوك بيه وماتت اللهفة

ومو ذاك انه الاول مثل متعرفه

تغير حته كلبي مو مثل ما جان

وكل دكات كلبي اليوم مختلفة

هوايه جروح بيه وبلكي من انساك

ترتاح الجروح وبالعجل تشفه

هاي انت الردت تتواقح وياي

وقابلت الحنان بروحك الصلفة

جنت شمعة انه الك وسنيني محتركات

خذني النار كلي وبيا وكت اطفه

تذكر من عطشت عيوني صارت غيم

كمت امطر وازخ حالوب عالشفة

وتذكر من بجيت كبالي كتلك

لا تذب همك عليَ وابقه اضحك دوم

اخاف الهم يغير روحك الترفة

شمسح من ذنوبك كلي حته ارتاح

انترس كلبي بهمومك وياهو الينظفه ؟

جنت ظالم وياي لحد ظلم فرعون

بس تتظاهر انت بطيب وبعفة

حافي اعله الجمر جنت امشي انه وياك

وياهو العالجمر للغير يتمشه ؟.

عرض مقالات: