1) ليش انموت...!؟
ليش انموت.. واحنه إمن الزغر للعب محتاجين.!؟
ليش انموت عريانيين!؟
لسه الذاكره اتحط روحي بالعشريين
نلعب بالرمل بالگمره دويرات
بينه الثوب الملثگ عشگ ودروبنه ابساتين
سيسنه ابنهار الليل غرگانين
حسره الماي .. ظل درب العمر مسكين نمشي وياه
لا ديره التلمنه.. ولا ضوه.. ولا دين
بالفطره نطيح إفياي.. صوره إمن القهر عالطين
روجه إمن الدمع والضحك يبچي اهواي
لو نبچي العمر عالراح.. معذورين..
2) صحو العميان
اعمه والضرير ايشوف بس دخان
حسباله الوكت يندار ويفتش ضوه العميان
حاير بيه زمن ما هلهلته البوب
وچماله العمر متعوب
يركض.. خاطره امغيم
شسوي آنه!؟
اذا ابطول الدرب حسرات وامطر الحزن حالوب
مالي عيون تبچي اعيون
تعبنه السهر واللوم الچمدوب
چذاب الهوى وعشرته كلها اذنوب
نتهمس الفرح ما ظل فرح مرغوب
لحظه اوتنسد علينه البوب
الميت عدل بالتالي محترگين
خلها أبخت المعدين لا تعتب على الماشين