مانمت
النسمه مرت فوگ روحي اتگول
بس انت النديم
من شفت روحك تلوب
روحي هم ظلت تلوب ومانمت
آنا والنسمه صديقين وندامى ونعرف السر الحزين
بيناتنا: الحب الدفين
الشجره و اعرف كل دواخلها النبيله
هي هم گالت: حبيبي مانمت
النخله ام الكون صاحت
لبّة گليبي
الطلع
ندّه بعيوني غمرها ومانمت
من شفتهم
ضايعين الصبح
بدروب المحله
آنا من يمي خفت
وين اضم النسمه
وين اخبي الشجره
وين اودي النخله وين
وين اوديني
وصفينه
اربعتنه بليله
غرّبنه الأرق
ومشردين!