إلى الشهداء الشيوعيين
نفق أظلم شباط الموت
ومگطع الورد بيده
أجا بكل الوجع و الظيم
وذبح سيف الحزن عيده
نفق ودانا للمجهول
و بعد من عدنا الي انريده
و بزغ فجر الشهادة ارجال
زلم خضر دماها هلال
ثارت بالجبل و الهور و البيده
اسمهم يرعب السجان
ظلو للشرف عنوان
صالو حيل ليل بليل
موش بكيف و بهيده
النعم يخوت فهد منكم
رويتو الوطن من دمكم
ظليتو شمس للدوم مرفوعه
حسن يا بيرغ احمر
هوستك زلزال
بالجيلات مسموعه
وسلام المنجل و جاكوج
وعايش لسه مشروعه
سلام من العشگ للناس
من الوطن بي روعه
سلام ولو كرم معلوم
بأيده الروح مشلوعه
بيك هواي منكوبين
و بينا عاشت اللوعه
شيوعيين ما نبرد
عدنا جروح موجوعه
شهيد العدنا ما ننساه
نهر ما ينسه ينبوعه