گمرية فرح طگت
يوم اثمانيه ابتموز
هلهولة محبه
او عشگ
و اهلال عيد
امعمده ابماي الكوز
فرحه
او تهاني عرس
رغم الألم و العوز
القداح قدح
بيه غوه
او انتشر عطر الروز
او طشت امي الواهليه
املبس او مصقول
وأحلام او محنه او لوز
حامض حلو او چكليت
طشت هيل
والفستق ترف و الجوز
درابين الوطن
تنثر فرح عالناس
وايغرد صده فيروز
ميلادك فهدنه عرس
شعله او طريق الحزب
بدد ليالي العوز
او طگ برعمك
ذاك الشتلته وفه
أصبح حديقة زلم
تتلاوه وي الوكت
امعطرهه طيب الموز
طش گاع العراق أبزود
من شوگ الجبل للهور
فرحة فوز
اشكثر مرت عليه عدوان
هسه وين ؟
أنذبت بالمزابل ٠٠!
يشهد التاريخ
گشرة موز
بس انته هذاك أنته
زلمك زلم
موش ازلام
كل واحد بألف زلمه
ايباهي النجم عزمه
عزم خيال
مكتوب الرسن بسمه
منهم والشهيد الطاح
يتباهه فخر دمه
يلالي بالسمه نجمه
يطرز اعذوبة النسمه
تهاني او روز
ايغني أحلام
للگمره الأجت
بثمانيه تموز
ميلاد عزنه فهد
طرز سمه تموز