بمناسبة الذكرى١٠٥ لثورة العشرين الخالدة
زلم عگرت رجلهه
أمعاند أويه الموت
أو كتبت الناريخ بالدم
ثورة العشرين
أو شباب أبعمر
عمر الورد
ضحت للوطن ترفه
غنت شوگهه أبتشرين
الدم هو ذاك الدم
أمس مكتوب بسم أجداد
اليوم أنكتب بسم أحفاد
أمس هوست زلم الثوره بحزيران
دمهم للمجد عنوان
أسباع الظوالم وأل حسان
كتبوا أبخط الكرامه
أعله الهوه الساري
أعله روج الماي
ذاك البالوفه ساري
((الطوب أحسن لو مگواري))
أو على أنجوم الثريه
أبهوسته شعلان
صاح أبشوگ يا بغداد
كلنه أوياچ
أشحده الأجنبي يدناچ
( من زاخو لحدود البصره
أو من نگرة سلمان ألبدره)
او على أنجوم الثريه
أبهوسنه شعلان
صاح أبشوگ يا بغداد
كلنه أوياچ
أشحده الأجنبي يدناچ
العراق أوياچ كله أوياچ
تركمان أو عرب
أكراد سنه أو شيعه
( هذا الوطم منبيعه)
لو أمر كلنه أنطيعه
( خل يامن گلبچ يرعيعه )
أمس هذا الصار
واليوم اليصير
شباب أبساحة التحرير
وأبساحة الحبوبي الأبيه
غنّوا غنوه ورديه
ما گالوا أبد شعليه
حطوا عالچفوف أگلوب
من أجل الوطن منذوره حريه
( هاي .. هاي الناصريه)
ما يهم ما دام من أجل القضيه
( نموت عشره أنموت ميّه )
بس كون الوطن راياته مزهيه
أمس خال الولد لأمه گال
( چن ما هزيتي أو لوليتي)
أبنچ راح لبلاده ضحيه
گالت أمه أبكل حنيه
( هزيت أو لوليت ألهذا )
أبصافي النيه.
هديه أرباي لبلادي هديه
وأم الشهيد اليوم چانت هيه هيه
وگفت أبكل الكرياء
التابوت الولد أدت تحيه
غطته بأحلام ورديه
سولفت ويّاه أبحنيه
او گالت هيه
نزف دم العراقي أبثورة العشرين
أصل دم الشباب أو نهضته أبتشرين
سجل للوطن تاريخ
غطه الگاع كل الگاع
وصل بالمجد للمريخ
تشرين أيهني أحزيران
صاروا للفخر عنوان
وغنّو أحله الأغنيات
أبكل فخر وابكل ثبات
شوگ و إصرار او فخر
( أذا الشعب أراد الحياة
لا بد أن يستجيب القدر )