تولاني الوكت ولية مخانيث
وصرت مثل الاسير وبيد انذال
رادوني أبيع الوطن والناس
وأنسه الإنتماء ونشوة الكاس
وأنه ابحب الوطن والناس مجنون
ولا فد يوم للذل دنگت راس
ولا بعت الصديق الوفي المهيوب
اتحملت المحن وكل العذابات
خلصت العمر ضيم وخسارات
صابر صبر نخله اشما يگولون
ولازلت افتخر بمحبة الناس
تعلمت الوفه من حزب الأبطال
وفهدنه وعادل اللي دگوا الساس
شيوعيين رمز الفخر والطيب
إحنا أهل الوفه والساس نداس
حيرنا السجون ونگرة السلمان
وحفرنا انفاق ودروب وقطارات
قطار الموت شاهد يبقه لليوم
وحزبنا أبعز شبابه وباقي للدوم
حزب يحضن وطن من كل الأطياف
إذن مستقبله ابكل حال مضمون
نريد ايضل حزبنا ابعافيه وخير
وإيعم الفرح وإيكحل العيون