هتاف رقم (1)
ورده حمره
إمطرزه إبشوگ المعامل
إتطش محنه إبزود عامل
بيهه من لينين شيمه
إو من فهد همة مناضل
شايله غيرة بواسل
ترسم البسمه أماني
تنشد إلآيار أغاني
مدفع بچفوف الثوار
(عاش الأول من آيار
عيد العمال الأحرار)
هتاف رقم (2)
ورده حمره
تنثر أحزان السنين
دمع فرحه إو بسمه ترفه
رسمت الشفه حنين
شالهه العامل تعب
شوگ من أجل الشعب
إو صار دخّان المعامل
أغنيه بشفاف عامل
بالأماني والتهاني
طرزت آيار أغاني
حطمت سور الدجل
(حيّ على أزنود العمل
آيار للعامل أمل )
هتاف رقم (3)
ورده حمره
علگت إلآيار شمعه
للفرح بخدوده دمعه
للظلم ما بعد رجعه
دنيه وسعه
إوحيل تسعه
للتصافح والتسامح
دنيه جنه
طشت الوادم محنه
أغنيه إو چفين حنه
فوگ بيبان الجوامع
والكنائس
والشوارع والمدارس
ترسم إو تنثر أماني
أمزوگه إبأحله الأغاني
بندقيه ابچف مقاتل
(آيار نجمه إبسمه العامل
رسم دخّان المعامل )
هتاف رقم (4)
ورده حمره
إمطرزه
بزنود سمره
شالت الحب مزهريه
ورده روز
إو جوري ورده
ورده فل إو ياسمين
يزهن الأوراق خضره
من أمس لليوم جابت
أحله ذكره
أمنيه إو أجمل تهاني
غردت لآيار أغاني
‘و عرد إوياهه الگمر
( آيار أجمل شهر
آيار للعامل فخر )
هتاف رقم (5)
ورده حمره
أنرسمت
إعله إزنود عامل
همّه إبحيله يناضل
سوّه دخّان المعامل
دبكه وإهزوجة مقاتل
أغنيه بشفاف شاعر
طرز الدنيه مشاعر
حلم حنّيّه إو أماني
كتبت الحسره أعاني
خورست صوت الأشرار
"عاش الأول من آيار
عيد العمال الأحرار"