وحدك أنته
فرح بعيون الاحباب
91 و أنته ابعز شباب
* * *
بيك يتباهه الزمان
او يلبس الفرحه صدگ
بيك المكان
خطوتك تنثر محنه
او چلمتك هيل او أمان
رايه حمره امطرزه
تزهي الثياب
91 وانته ابعز شباب
* * *
يا مضيف امشرع البيبان
و أشبابك هله
اكحيل أنته
او بيه تتنومس هله
جبت عمرك
تاج راس المرجله
يحسب التاريخ الك
ذاك الحساب
91 وانته اترد شباب
* * *
نظرة أعيونك قصيده
بيهه الشعر غنوة سمر
ترتيلة امحبين
وي ليل السهر
معزوم النجم
وياه و ايغني الگمر
طورالعشگ والشوگ
مو طور العتاب
91 وانته ابعز شباب
* * *
هوه اعذيبي أنته
والهوه اعذيبي
صار منك
فنك الدنيه ابكبرهه
افيش بويه
اشمحله فنك
ايطش على الوادم
حنين الهوه الهاب
91 وانته ابعز شباب
* * *
يللي عمري على عمرك
ليل و امسامر حبيب
أمطرز ابنبض الفرح
ايودي بالفرحه او يجيب
اسمك للنبض شريان
چذاب او ألف چذاب
من گلك غريب
يا عطر أذار
يا أغله الأحباب
91 وانته ذاك أنته شباب
* * *
يا حبيبي الدنيه بعدك
ما هي دنيه
والوكت موش الوكت
أنته ( خنياب ) الزمان
الخوش بالطيبه تكت
اشگد مرت عليك
أيام صعبه اشگد شفت
لا رجف گلبك
وحگ گلبك و لا هاب
91 وانته ذاك أنته
يا شباب ابعز شباب