أدخل ..
لا تظل بالباب
البيت بيتك
وأنته بي تنهاب
أدخل ياهوى السبعين والستين والخمسين
بعدك شاب
أنته الحيل يابو الحيل
ومن حيلك نمد إجسور للغياب
فهد من دگ أساس البيت
راد البيت يجمعنه
وإحنه بغير هذا البيت
مامش بيت يوسعنه
بخت هذا بخت يرادله إمدارا
ودنيه إبلابخت مابيها
كل معنى
فهد يابوي
بعدنه بسچتك ماشين
وبعدنه نزامط بلينين
وبعدهه الناس تسمعنه
وعذرنه ..
لون مره إنتچينه إعله الرمح
ومدينه إدينه نصافح العفنين
چان الليل كلش ليل
والظلمه الثجيله تچلچل إعله العين
لچن طبع الإصايل من تگع للگاع
تگوم بحيلها وترتاب منها إسباع