(1)

 آذار اسمك

اجمل غنوه فوگ أشفافي

انرسمت أباحله رسم

أحفظتهه شوگ ٠٠

حنيه٠٠

او مهابه ٠٠

منهه كفوين او نعم

هنيالي

او أكثر بعد هنيالي

لن حافظ هالاسم

(2)

أسمك چاكوچ

ابچف عامل

او منجل همه

ابچف فلاح

غصن زيتون

او حمامه

او بيرغ

يخفگ للإصلاح

(3)

حگ الدنيه اتغني

او ترگص چوبيه

او أحساس

واتطش آذار ابفرحه

عشگ أحديثه

ابدرب الناس

(4)

بي حب آذار سوله

اسمه بلساني أمن أكوله

ياخذني الفرح لبعيد

لأيام الطفوله

أشلون ذابت روحي بيه

او صار دربي

وانكتب بالگلب حبي

شفته رايه

امطرزه ابدم الضحايه

شلته نور

أبوسط روحي

بلسم صار الكل اجروحي

(5)

غنّي يا دنيانه غنّي

غنّي ابفرح آذار

آذار أجمل شهر

من آخره صار

بيه برعم فهد

طگت اغصانه أشجار

(6)

من عشگتك

گلبي بلبل

ايغازل الأزهار صوته

طرز الدنيه نشيده

او روحي طگت

بالغزل أجمل قصيده

عمري شمعه

غنَّت أيامه سعيده

هلهلت  بآذار عيد

او يهنياله الصار

عيد آذار عيده