بردانه الشمس
تحسب الجية الصيف
خنگتها الأغيوم
ونار مابيها
تطلب من لهيب ارواحنه
الجمرات
بلچن من صليل الشته
ادفيها
ومدت كل زلف عدها
اعله طول الكون
ولا جاسن دفو
ازلوف التمد بيها
شاورها گمرها
امشاور العشاگ
بلغز ضويات
بمعاتب حبايب
من يحاچيها
شلنه أچفوفنه
وفوگ الاصابع نار
هاچ اچفوفنه ياشمس
اخذيها
عدنه من الجروح
انملت جمر الااااخ
ونار البيهن من اسنين
تاذيها
اعله بختچ ياشمس
ردي اعله حيلچ ذاك
دخيل الله ودخيلچ
گومي ضويها