اخر الاخبار

الى الشاعر خالد الذكر عريان السيد خلف

مثل ما شفتك لگيتك "گبل ليله"

إو "تل ورد" وامرايه حلوه

"او كمر بالديره"

او شمس وكت المطر

بعدك تارس الدنيه غنه ابطول السفر

ابداعتك لا تنسه روحك

شجره عطشانه او شواطيّك نهر

يا ما غضيت النظر عنها او هوتّك چيه طبع نسلك بشر

وآنه واجروحي محطه انصد عليك اتوصي بينه

ابصحوه مليانه سهر

العافيه المركونه يمك حِطني بيها

لا تهدني ابلوعتك عينك عليها

اهمومي متحيره بشتاك

وانته بأول مستحاك اتفرهدت شنهي الخذاك!؟

كابرت والريح ذلت من غِناك

اتباري غيرك و(الرعيع) الما عرف طبعك خسر

ارموشك اتواسي حِزنّه

انته تعزف بالحنين المشتعل هم عالوتر

"عاذرك" ما ناسي ربعك

من تجي مسيّر علينا خطوه ناسيها الخطر

چنت صايود وهوينه إعلوم صگرك

من توچّر بينه لوعه انروح يمك.. نلغي خزرات القدر

انته حاله اندور كل احنه بديها

اسم "عريان" الشعر لا يگ عليها

اتغني من ظيمي إعله ليلك

والله منك تستحي اچفوف التشيلك

حاسدك چا شنهي ظِلك

هاي ناسك والشمس سوده إعله مودك

إشوهدن الموت او خذاك او كلنه يمك

عيني سهرانه ابدمعها

مثل ما شفتك لگيتك دنيه ما بدلت طبعها

غيره بيها العافيه ابصحبة ربعها

عرض مقالات: