اخر الاخبار

إلى الشهداء الشيوعيين، لارواحهم النقية المفعمة بحب العراق الخلود  والطمأنينة و السلام

نفق أظلم شباط الموت

ومگطع الورد بيده

أجا بكل الوجع و الظيم

وذبح سيف الحزن عيده

نفق ودانا للمجهول

و بعد من عدنا اللي انريده

و بزغ فجر الشهادة ارجال

زلم خضر دماها هلال

ثارت بالجبل و الهور و البيدة

اسمهم يرعب السجان

ظلو للشرف عنوان

صالو حيل ليل بليل

موش بكيف و بهيدة

النعم يخوت فهد منكم

رويتو الوطن دمكم

ظليتو شمس للدوم مرفوعة

حسن يا بيرغ احمر

هوستك زلزال

بالجيلات مسموعة

وسلام المنجل و جاكوج

وعايش لسه مشروعة

سلام من العشگ للناس

من الوطن بي روعة

سلام ولو كرم معلوم

بأيده الروح مشلوعة

بيك هواي منكوبين

و بينا عاشت اللوعة

شيوعيين ما نبرد

عدنا جروح موجوعة

شهيد العدنا ما ننساه

نهر ما ينسه ينبوعه

عرض مقالات: