نروح بكل وجع و احلامنا ويانا
و نرد كلنا امل حتى السما ويانا
فر فرين تخلص دومنة الدنيا
تربط لو ادومن كلها خسرانة
هاي و هاي شافن كلشي ولايام
يفترن علينا و باگن اغطانا
حبينا و كشخنا و عاركينا هواي
ولا يوم الغلط و الشين خاوانا
تفززنا الرسايل بينا شارة شوگ
و ما ننسنا الذي فد يوم يهوانا
ندنگ بالمشي سولتنا عفة و عيب
ومنفشل ابد كل الي ينخانا
مو كلنا ولكن بينا حيل هواي
حتى بالفرح و اعبونه حزنانة
و شبعانة عيون العدنة بالحسرات
عيون هواي عدها و هيه جوعانة
بينا شگد وجع نخفيه بس الشيب
يسولف كل قهر مر بثنايانا
نتلگة الطعن و الستر عدنا ايمام
و نعدي المشن و نگول خلصانة