بيه سوله من احب
أحب كلش من صدگ
او گلبي شمعه أيذوب
بدروب العشگ
روحي حوريه وفه
بالشوگ للملگه تطگ
او جدمي طيره
طرزت دربك محنه
او صفت لجروحك دوه
يالشليلك مستحه
او عطرك هوه
عيني الك گمرية او ضوه
يالعطر شفتك عطر
طرز اشفافي غوه
ذكرياتي اوياك
تسيورة أحديثات
والضحكه سمر
شهگة نهر عطشان بي
ابعازتك و أنته المطر
بيش اوصفك
والوصف يمك خدر
يللي طولك ناي
واخدودك گمر
روحي الك
همسة ترتيل او غنه
وياك لو طال السهر
الشوگ بي
الدفوة احضانك عبر
گلبي فدوه الغفوة اعيونك
اذا طال النظر
فتر أعيونك تراني
بيهن ابشوگ أحترگ
لأن بي الوفه سوله
او من أحب كلش صدگ
من أحب كلش صدگ