لتگطعين ...
لتگطعين
بيّه من الهموم ايترسن شگابين
لتگطعين
يا شهگة عوافي
يا رفيف إجلاي
يا فرحة عُمر
واتفرهد من سنين
لتگطعين ....
ضوّه عيوني ضحگتج
والهوى الجَلاب
ليل عتاب
رسايل ما يلمها كتاب
لهفة غايب الغياب
شوك احباب
چلماتچ أغاني
ونبرتچ تلحين
لتگطعين
ترافة ياسمين ورازقي وشمام
حلاوة (نهر خوز) شفايف البصره
عسل لو تين
قمر الدين
حنيني ايفزز الميتين
وصلچ شتل عنبر
شوگچ نياسين
لتگطعين