أبچيك يا وطني
أبچيك حيل أبچيك
ماتم عزه دمعتي
وبشوگ أسولف بيك
اقرالك شعر وأرثيك
أرثي الشجر والنخل
و الورد والبستان
وأرثي الفخاتي التون
حسره على الأغصان
أرثي مجد منسرق
و أرثي على او عثمان
وابدمع ينزف دمع
دمعي يكت اعليك
مهيوب يا وطني
يا سيد الاوطان
چنه او چنت مفخره
والكل مجد عنوان
نتباهه ابظلك فخر
انغني كلنه اخوان
عالي يرف بيرغك
مهيوب كلشي ببك
چا ليش يا هالوطن
ترضه النه هذا الحال
من بعد دنيه الفرح
نخضع الراس المال
ونعيش عيشة ضنك
نعشگ هوه الترحال
نسكن اديار الغرب
والوحدك انخليك
صح بيك مر فد وكت
ما ادري شنسميه
الوصف حته الوصف
حيران أصبح بيه
بيه الشهم ما بنقبل
اتوله الزنين اعليه
مكروه بين الأمم
او فرجه امخليك
لكن وحگك وحگ
طف كربله او بغداد
ابغيرك أبد يا وطن
ما يحله يوم الزاد
ذا للميعاد توجد ارض
انته ارض كل ميعاد
ماعون زاد البشر
خسران من يجفيك
أيام محنه او تمر
او ترجع وطن يا وطن
لن أنته طبعك ذهب
او حزنك حزن بيه شجن
و اولادك إخوة صدگ
عمر وازاد او حسن
الفرح لازم يرد
فد يوم ويناغيك
بعد العسر لازم يسر
اصبر يصبر ايوب
ندريه حزنك حزن
ما مر على يعگوب
هذا الزبد مايظل
او لا برد ليك النوب
و اترد مثل ما جنت
ما زاد زود اعليك
مهيوب تاج البشر
دنيه اتفاخر بيك
انشيلك علم يا علم
عالنجمه انعليك
عيد او فرح هيبتك
والأمل ثوب اعليك
انباني بيك الخلك
زود انتباهه بيك
كلنه انتباهه بيك