اسنين العمر
ترچيه
وعيوني لعيونك ضوه
رمشك لو زعل
مني أختنگ
ويضيگ بالريه الهوه
مرني يا نيسان عمري
احديثه لجلك شفتي
وانته للشفه غوه
يا نسمة دفو بشباط
مر بي العشگ
توه استوه
يا حضن
ما ادفه من عنده حضن
من تبتعد صدگ أجن
او گلبي يحن
حنه الي متين الك
(حنة حمامات السجن)
يا عنبر المشخاب
غافي سنبلك ورده ابزلف
شامة محبه أعله الوجن
بيك الوفه
خنياب من تجبل يطگ
سعف النخيل
اشموع بالحب تعتلگ
وأنه احترگ
أفيش يا نار العشگ
تحرگني وتراجف برد
أشتاگ الك
شوگ الحدائق للورد
تاخذني غفوة شوك
للملگه احن
من تبتعد صدگ أجن
اغروب أنه ونته الناي
يالصوتك لحن
يترسني فرحه وانتشي
أبكثر ما بي حزن
يابو سوالف دافئه
او خلگك سمه
طيفك نجم
كفوين منك والنعم
مر بي تلگاني الك
روضة غوه
أبنادم أنه ونته الهوه
انته الهوه ٠٠٠انته الهوه