اتعرفنه الناس نعثر لكن انگوم
ابد مايوم واحد شافنه انطيح
تميل الگاع بينه ونوگف اعناد
ونذكر اترابها ابفضل الفلاليح
شعب وكت الشدايد نوگف اجبال
تجي ابحدنه تصد وترجع الريح
ونذل حتى المشانق من يجي العيد
نكض احبالها انشدهن مراجيح
ايعرفنه الليل لودلهم ضوه الكون
من دم الضحايه انوج مصابيح
قفلناها المناحه ابقفل الفراگ
ابير اظلم شمرناها المفاتيح
ورسمناها الهلاهل فوك الشفاف
بعد مانرضه توكف ناعيه اتصيح
السفينه الغركت امن اسنين تنعاد
ونعرف وين نلگاها الملاليح
صفت كل الانهار ابجية العيد
دخلها اتموت بالحسره التماسيح