في مناسبة الأول من ايار عيد العمال العالمي
چاكوچك لو دگ
او بوس سندانه
اتخضر دنيه
او ينبي عالم جديد
او ينقره اجمل نشيد
بيه نلگه ما نريد
او يصبح العالم سعيد
عيد يمشي بأثر عيد
تصبح الدمعه ابتسامه
والفرح يصبح علامه
او شوگ يتباهه الحمام
او يصبح العالم سلام
او الجمل اتصبح آيات
أو يرجع حمد والريل
تسيورة صدگ
و ايغني بم شامات
طفيرة تلعب غنج
و ياه ألاولايات
امن ايار تاخذ وفه
و اترفرف الرايات،
حمره او تباهي الشمس
و أعيون الاحديثات
ابريسم شرايط غوه
الكل جرح اسمه دوه
الكل ريه شوگه هوه
والوجنه امرايات
رسمن صورة كاور باغي
خنجر ثورة ابصدر الطاغي
غنن چوبيه او شوشليه
طرزتهن رنات اجناغي
عاش العامل
هوس هندال ابكل صوته
او جاوبه حمدان او جبر
ها ها يزنود السمر
صوت ابضمايرنه صدگ
لأجل الوطن يحترگ
بالصدگ بس ايناغي
ايار صوغة محب
غناوه الصوت اليحب
او بركان ايار اعله الباغي
بركان ايطگ اعله الباغي